اسلام آباد:اسلام آباد کی عدالت نے 27 یوٹیوبرز کے چینل بلاک کرنے کا حکم جاری کر دیاہے ۔فیصلہ ایف آئی اے کی جانب سے ریاست مخالف مواد کی انکوائری کے نتیجے میں شواہد کی بنیاد پر کیا گیا۔
اسلام آباد جوڈیشل مجسٹریٹ عباس شاہ نے ایف آئی اے کی درخواست پر یوٹیوب کی انتظامیہ کو ستائیس چینل بلاک کرنے کا حکم دیا ہے۔ دو صفحات پر مشتمل حکم نامہ جاری کر دیا گیا ۔جس میں کہا گیاہے کہ ایف آئی اے نے دو جون کو ریاست مخالف مواد کی انکوائری شروع کی۔ عدالت ایف آئی اے کے شواہد سے مطمئن ہے۔ یوٹیوب کے افسر انچارج کو حکم دیا جاتا ہے کہ وہ یوٹیوب چینل بلاک کرے۔
فیصلے میں کہا گیا کہ عدالت ایف آئی اے کے شواہد سے مطمئن ہے اور ان چینلز کے خلاف کارروائی ہو سکتی ہے۔
