غزہ:غزہ میں اسرائیلی فوج کی جارحیت کا سلسلہ مسلسل جاری ہے ۔ تازہ حملوں میں مزید 60 فلسطینی شہری شہید ہو گئے ہیں جبکہ درجنوں زخمی ہوئے ہیں۔ رفح کے امدادی مرکز کے قریب اسرائیلی فوج کی اندھا دھند فائرنگ سے 15 افراد شہید اور 100 سے زائد زخمی ہو ئے۔
المواسی علاقے میں اسرائیلی ڈرون حملے کے نتیجے میں چار فلسطینی شہید ہوئے جبکہ غزہ شہر کے مشرقی علاقے الطفاح میں فضائی حملے میں بھی جانی نقصانات کی اطلاعات ہیں۔
غزہ میں شہدا ء کی مجموعی تعداد 55 ہزار تک پہنچ چکی ہے، اسرائیلی فوج نے زمینی کارروائیاں بھی تیز کر دی ہیں۔ امدادی سامان کی رسائی انتہائی محدود ہے جس کی وجہ سے علاقے میں انسانی بحران دن بدن سنگین ہوتا جارہا ہے۔
بین الاقوامی برادری نے اس بڑھتے ہوئے انسانی بحران پر گہری تشویش کا اظہار کیا ہے اور فوری جنگ بندی کا مطالبہ کیا ہے۔
