غزہ :غزہ کے مختلف علاقوں پراسرائیل کے وحشیانہ حملے جاری ہیں ۔۔ آج کی بمباری میں مزید 14فلسطینی شہید اورمتعدد زخمی ہوگئے ہیں ۔
الجزیرہ کے مطابق اسرائیلی فورسز نے آج صبح سے غزہ سٹی کے مختلف علاقوں پر شدید بمباری کی ہے ۔ جس میں متعدد فلسطینی شہید ہوگئے ہیں ۔۔ دیرالبلاح کی خیمہ بستی پر بھی حملے کیے گئے ۔ غزہ کی بندرگاہ پر اسرائیلی طیاروں نے بمباری کی جس میں دو افراد شہید ہوئے ۔
فاقہ کشی سے مزید 6 افراد جان کی بازی ہار گئے ۔ اسرائیلی فوج نے ایک بار پھر غزہ کے رہائشیوں کو بے دخل کرنے کا الٹی میٹم دیا ہے ۔ہسپتالوں میں ایندھن، ادویات اور خوراک کی شدید قلت کا سامنا ہے ۔
