اسلام آباد:جج ہمایوں دلاور اسلام آباد میں بطور سپیشل جج سینٹرل ٹو تعینات کر دیئے گئے۔
جاری کردہ نوٹیفکیشن کے مطابق جج ہمایوں دلاور کو تین سال کے لئے بطور سپیشل جج سینٹرل ٹو تعینات کیا گیا، جج ہمایوں دلاور جوڈیشل کمپلیکس اسلام آباد میں فرائض سر انجام دیں گے۔
جج ہمایوں دلاور نے توشہ خانہ کیس میں چیئرمین پی ٹی آئی کو سزا سنائی تھی، جج ہمایوں دلاور منگل سے بطور سپیشل جج سینٹرل ٹو اسلام آباد ڈیوٹی پر مامور ہوں گے، اس سے قبل جج ہمایوں دلاور اسلام آباد ہائیکورٹ میں سپیشل ڈیوٹی پر مامور تھے۔
ذرائع کے مطابق سپیشل جج سینٹرل ٹو کے لئے نیا کمرہ عدالت جوڈیشل کمپلیکس میں تیار کر لیا گیا گیا، اس سے قبل جوڈیشل کمپلیکس میں سپیشل جج سینٹرل کی صرف ایک عدالت تھی، اسلام آباد میں سپیشل جج سینٹرل ٹو کی نئی عدالت قائم کی گئی ہے، جج ہمایوں دلاور ایف آئی اے، سائبر کرائم سے متعلق کیسز کو دیکھیں گے۔
