Home sticky post 6 خلیل الرحمان قمر ہنی ٹریپ کیس،ملزمہ کی درخواست ضمانت خارج

خلیل الرحمان قمر ہنی ٹریپ کیس،ملزمہ کی درخواست ضمانت خارج

Share
Share

لاہور :لاہور ہائی کورٹ نے ڈرامہ نگار خلیل الرحمان قمر ہنی ٹریپ کیس کا ٹرائل ایک ماہ میں مکمل کرنے کا حکم دے دیا۔
چیف جسٹس لاہور ہائی کورٹ عالیہ نیلم اور جسٹس اسجد جاوید گھرال پر مشتمل بینچ نے کیس کی سماعت کی۔
لاہور ہائی کورٹ نے شریک ملزم یاسر کی درخواست ضمانت منظور جبکہ ملزمہ کی درخواست ضمانت خارج کر دی۔چیف جسٹس لاہور ہائی کورٹ نے کہا کہ ستمبر سے درخواستِ ضمانت زیرِ التوا ہے، آپ نے کافی وقت لیا، ہمارے ملک میں قانون کا غلط استعمال کرنا ٹرینڈ بن چکا ہے، ملزمہ آمنہ عروج کیا کرتی ہے؟۔وکیلِ صفائی نے بتایا کہ ملزمہ پراپرٹی کا کام کرتی ہے اور پروموشنل ویڈیوز بناتی ہے۔
چیف جسٹس لاہور ہائی کورٹ عالیہ نیلم نے کہا کہ ملزمہ تسلیم کر رہی ہے کہ وہ ویڈیو بنانا جانتی ہے، اتنے بڑے شہر میں اکیلے رہنا، پراپرٹی کا کام کرنا، کوئی بہادر خاتون ہی کر سکتی ہے، اگر ملزمہ کو بلیک میل کیا جا رہا تھا تو وہ خاموش نہ رہتی، آپ کہتے ہیں کہ ملزمہ شوبز سے منسلک ہے، کیا کسی ڈرامے میں کام کیا؟ کبھی آپ کہتے ہیں کہ ملزمہ پروموشنل ویڈیوز بناتی ہے۔
سرکاری وکیل نے کہا کہ ٹرائل کورٹ میں فردِ جرم عائد ہو چکی ہے، گواہوں کے بیانات قلم بند ہو رہے ہیں، لاہور کی انسدادِ دہشت گردی کی عدالت نے ملزمہ آمنہ عروج کی درخواست ضمانت خارج کر دی تھی۔
دلائل میں سرکاری وکیل نے بتایا کہ21 جولائی کو تھانہ سندر میں خلیل الرحمٰن قمر نے مقدمہ درج کرایا تھا، ملزمان پر اغواء، بلیک میلنگ، مہنگا سیل فون اور ڈھائی لاکھ روپے لوٹنے کا الزام ہے۔

Share
Related Articles

رمضان المبارک ایمان کی تازگی اور تزکیہ نفس کا بہترین موقع ہے، امام کعبہ

امام اور خطیب مسجد الحرام شیخ ڈاکٹر یاسر بن راشد الدوسری نے...

اداکارہ سبینا فاروق کا بڑی گاڑیوں کے مالکان کو اخلاقیات اور صبر کا درس

لاہور: پاکستان شوبز انڈسٹری کی خوبرو اداکارہ سبینا فاروق نے بڑی گاڑیوں...

حکومت کا جعفر ایکسپریس کے حملہ آوروں کو دنیا کے سامنے بے نقاب کرنے کا فیصلہ

اسلام آباد: حکومت نے جعفر ایکسپریس کے حملہ آوروں کو دنیا کے...

ماہرین نے چیونگم چبانے کے شوقین افرادکو خبردارکردیا

چیونگم چبانے کے شوقین افراد کے لیے بری خبر ہے، ایک تحقیق...