کنگ سلمان ریلیف سینٹر کا سیلاب متاثرین کے لیے امدادی قافلہ روانہ

اسلام آباد:کنگ سلمان ہیومینیٹیرین ایڈ اینڈ ریلیف سینٹر کی جانب سے خیبر پختون خواہ میں سیلاب متاثرین کے لیے ایک بڑے پیمانے پر ہنگامی امدادی قافلہ روانہ کیا گیا ہے۔

امدادی سامان میں 10 ہزار شیلٹر کٹس اور 10 ہزار فوڈ پیکجز شامل ہیں۔شیلٹر کٹ میں شیلٹر سولر پینل ایل ای ڈی لائٹس، گرم کمبل، چٹائی کچن سیٹ پانی کے کولر اور اینٹی بیکٹیریل صابن شامل ہیں 95 کلو فوڈ پیکج میں اٹا چینی دالیں اور خوردنی تیل شامل ہے۔

اس موقع پر وزیراعظم کےمشیر رانا ثنا اللہ نے کہا کہ سعودی حکومت نے ہمیشہ مشکل وقت میں ہمارا ساتھ دیا۔انہوں نے کہا کہ متاثرین کی بحالی اور اباد کاری تک حکومت ان کے ساتھ کھڑی ہے
سعودی سفیر نواف سعید المالکی نےکہا کہ پاکستان میں سیلاب سے جانی و مالی نقصان پر افسوس ہے مشکل وقت میں پاکستا نی عوام کے ساتھ کھڑے ہیں۔

امدادی سامان سے سیلاب سے متاثرہ خاندانوں کو فوری ریلیف ملے گا۔