لیپ ٹاپ اسکیم گیم چینجر ، مجھے نوجوانوں کوبااختیار بنانے سے زیادہ کوئی خوشی نہیں ،وزیراعظم

وزیراعظم شہبازشریف کاکہناہے کہ لیپ ٹاپ اسکیم واقعی ایک گیم چینجر ثابت ہوئی ہے، جس کی وجہ سے کامیابی کی شاندار کہانیاں سامنے آئیں۔ موجودہ سکیم کے تحت پاکستان کے طلباء میں مرحلہ وار 100,000 لیپ ٹاپ تقسیم کیے جائیں گے۔

سماجی راطبے کی ویب سائٹ ٹویٹر پر اپنے ایک ٹویٹ میں وزیراعظم نے کہا کہ مجھے اپنے نوجوانوں اور طلبہ کو بااختیار بنانے کے لیے اپنا کام کرنے سے زیادہ خوشی کوئی نہیں ہوتی، جو اس ملک کی تقدیر اپنے ہاتھ میں رکھتے ہیں۔

انہوں نے کہا کہ گزشتہ روز وزیراعظم لیپ ٹاپ سکیم کے ملک گیر آغاز نے وہ سفر دوبارہ شروع کر دیا جو پنجاب میں مسلم لیگ ن کی حکومت نے شروع کیا تھا۔ یہ ایک دلچسپ سفر ہے کہ کس طرح ان لیپ ٹاپس نے طالب علموں کو ان کی پڑھائی، کاروباری بننے اور پچھلی دہائی کے دوران فائدہ مند کیریئر بنانے میں مدد کی۔

وزیراعظم نے کہا کہ لیپ ٹاپ اسکیم واقعی ایک گیم چینجر ثابت ہوئی ہے، جس کی وجہ سے کامیابی کی شاندار کہانیاں سامنے آئیں۔ موجودہ سکیم کے تحت پاکستان کے طلباء میں مرحلہ وار 100,000 لیپ ٹاپ تقسیم کیے جائیں گے۔

شہباز شریف نے کہا ماضی کی طرح، شفافیت اور میرٹ وصول کنندگان کے انتخاب میں رہنما اصول ہوں گے۔