لاس اینجلس شعلوں کی لپیٹ میں،نامورشخصیات کے اربوں روپے مالیت کے گھر جل کرخاکستر

لاس اینجلس: امریکی شہرلاس اینجلس کے جنگلات میں لگی آگ بے قابو ہو گئی، جلتے شعلوں نے29ہزار سے زائد ایکٹررقبے کو لپیٹ میں لے لیا۔مشہورہالی ووڈ شخصیات کے اربوں روپے مالیت کے گھر بھی جل گئے۔

میڈیا رپورٹس کے مطابق متاثرہ علاقوں میں5افراد ہلاک جبکہ متعدد زخمی ہوگئے، اموات میں اضافے کا خدشہ بھی ظاہر کیا جارہاہے تاہم تین روز سے لگی آگ پر تاحال قابو نہیں پایا جا سکا۔
غیر ملکی میڈیا رپورٹس میں بتایا گیا ہے کہ آتشزدگی سے متاثرہ علاقوں میں95 ہزار صارف بجلی سے محروم ہو گئے ہیں جبکہ ایک لاکھ80ہزار افراد کو فوری انخلا کی ہدایت جاری کی گئی ہے۔
رپورٹس کے مطابق آگ سے 2ہزارسیزیادہ گھر اورعمارتیں جل کر راکھ بن گئیں،مشہورہالی ووڈ شخصیات کے اربوں روپے مالیت کے گھر بھی جل گئے۔ آگ سے نقصانات کا ابتدائی تخمینہ50 ارب ڈالر سے زائد ہوگیا، خشک اورتیز ہواوٴں کے باعث آگ کی شدت میں اضافے کاخدشہ بھی ظاہر کیا جارہا ہے۔