راولپنڈی:چیئرمین پی ٹی آئی کو راولپنڈی پولیس نے دہشتگردی کے تیسرے مقدمے میں بھی نامزد کردیا، 9 مئی واقعات کے تناظر میں درج ہونے والا تیسرا مقدمہ تھانہ سول لائنز میں درج ہے۔
ذرائع نے بتایا کہ نو مئی واقعات، چیئرمین پی ٹی آئی کو راولپنڈی کے تیسرے مقدمہ میں بھی نامزدکر دیا گیا، چیئرمین پی ٹی آئی کو شالیمار چوک میں آرمی میس میں توڑ پھوڑ کے مقدمہ میں نامزد کیا گیا، چیئرمین پی ٹی آئی کو پہلے سے درج مقدمہ میں نامزد کیا گیا۔
چیئرمین پی ٹی آئی پرحساس مقامات پر حملوں کے لئے کارکنوں کو اکسانے، اشتعال دلانے کا الزام عائد کیا گیا، نو مئی کو سیاسی جماعت کے کارکنان حساس عمارتوں کا گیٹ توڑ کر اندر داخل ہوئے،توڑ پھوڑ کی تھی۔سیاسی جماعت کے کارکنان نے سرکاری گاڑیوں،موٹرسائیکلوں پر پٹرول بم پھینک کر نذر آتش کیا تھا، پہلے سے درج مقدمہ میں عارف عباسی،زیاد کیانی اور اجمیر خان سمیت 20سے زائد ملزمان نامزد ہیں۔
چیئرمین پی ٹی آئی کو جی ایچ کیو حملہ ،حساس ادارے کے دفتر پر حملوں کے مقدمات میں پہلے ہی نامزد کیا جا چکا ہے۔
