اسلام آباد:امریکی سفیرڈونلڈ بلوم نے وزیر خارجہ اسحاق ڈار سے ملاقات کی۔جس میں دو طرفہ امور اور خطے کی صورتحال پر تبادلہ خیال کیا گیا ۔
امریکی سفارتخانہ کے ترجمان تھامس مونٹگمری کے مطابق امریکی سفیر ڈونلڈ بلوم نے وزیر خارجہ اسحاق ڈار سے ملاقات کی جس میں خطے کے حالیہ واقعات پر بات چیت کی گئی۔
سفیر بلوم نے پاکستان کی حکومت اور عوام کے ساتھ مل کر کام کرنے کے امریکہ کے عزم سے آگاہ کیا، اس بات پر زور دیا کہ پاکستان کی خوشحالی اور سلامتی امریکہ کی اولین ترجیح ہے۔
