اسلام آباد:اسپیکر پنجاب اسمبلی ملک محمد احمد خان نے کہا کہ ہاؤس میں اپوزیشن کا جارحانہ طرز عمل کسی صورت برداشت نہیں ۔ حلف کی پاسداری نہ کرنے والے ارکان کو ہاؤس کا رکن رہنے کا کوئی حق نہیں ۔
اسلام آبادمیں الیکشن کمیشن حکام سے ملاقات کے بعد میڈیا سے گفتگو کے دوران اسپیکر پنجاب اسمبلی نے کہا کہ ایوان میں لوگوں کو مارنا اور گریبان سے پکڑنا کیا درست عمل ہے ،اپوزیشن کے ارکان کو نتائج بھگتنا ہوں گےاور اس حوالے سے تفصیلات جلد سامنے آجائیں گی ۔
ملک محمداحمد خان نے کہا کہ الیکشن کمیشن حکام سے اہم قانونی معاملات پر بات کرنے آیا ہوں جو لوگ گالیاں دیں یا توڑ پھوڑ کریں وہ کسی رعایت کے مستحق نہیں ۔آئین کی بالادستی کے لیے کیس لڑوں گا۔
انہوں نے کہاکہ میں صرف آئین کی پاسداری چاہتا ہوں آئین توڑنے والے 25 کے بجائے 35 بھی ہوں گے تو وہی کروں گا جو کر رہا ہوں ۔
