میڈرڈ:وزیر مملکت برائے داخلہ طلال چوہدری نے سپین کے وزیر داخلہ فرناندو گرانڈے مارلاسکا سے میڈرڈمیں ملاقات کی اور باہمی تعاون کے امور پر تبادلہ خیال کیا۔
وزارت داخلہ کی طرف سے جاری بیان کے مطابق ملاقات میں پولیس تعاون، مائیگریشن اور انسداد دہشت گردی سمیت باہمی دلچسپی کے امور پر گفتگو ہوئی۔ وزیر مملکت برائے داخلہ نے کہا کہ پاکستانی کمیونٹی دونوں ممالک کے تعلقات کو فروغ دینے اور ترقی میں کلیدی کردار ادا کر رہی ہے۔
طلال چوہدری نے وزیر داخلہ محسن نقوی کی جانب سے فرناندو گرانڈے مارلاسکا کو دورہ پاکستان کی دعوت دی
دوسری جانب وزیر مملکت طلال چوہدری نے ایکس پر اپنی پوسٹ میں ملاقات کا ذکر کرتے ہوئے کہا کہ سپین کے وزیر داخلہ فرناندو گرانڈے مارلاسکا سے ملاقات انتہائی خوشگوار رہی۔
