بلوچستان اسمبلی کے اقلیتی رکن ایس ایم پیٹرک چل بسے۔
رکنِ بلوچستان اسمبلی کے اہل خانہ نے تصدیق کی ہے کہ ایس ایم پیٹرک طویل عرصے سے بیمار تھے۔
اہل خانہ کے مطابق بلوچستان اسمبلی کے اقلیتی رکن کراچی کے نجی اسپتال میں زیرِ علاج تھے۔
وزیر اعلیٰ بلوچستان سرفراز بگٹی نے رکن صوبائی اسمبلی ایس ایم پیٹرک کی وفات پر افسوس کا اظہار کیا ہے۔
ان کا کہنا ہے کہ ایس ایم پیٹرک مخلص سیاسی و سماجی رہنما تھے، انہوں نے ہمیشہ معاشرتی و سماجی ترقی اور اقلیتوں کی بہبود کے لیے کردار ادا کیا۔
سرفراز بگٹی کا کہنا ہے کہ غم کی اس گھڑی میں پسماندگان کے دُکھ میں برابر کے شریک ہیں۔
خیال رہے کہ ایس ایم پیٹرک مسلم لیگ ن کی طرف سے بلوچستان اسمبلی میں اقلیتی نشست پر ممبر تھے۔
