نئی دہلی:مودی سرکار کی ناقص پالیسیوں کے باعث بھارتی برآمدی صنعت مسلسل زوال کا شکار ہے۔ غیر سنجیدہ اقدامات اور امریکی ٹیرف نے معیشت کو بحران کی طرف دھکیل دیا ہے۔ بین الاقوامی میڈیا الجزیرہ کے مطابق امریکا کی جانب سے 50 فیصد ٹیرف نے بھارت کی قالین صنعت کو مفلوج کر دیا ہے۔
بھدوہی کے برآمد کنندگان کا کہنا ہے کہ ایک ماہ سے امریکا کوئی کارگو نہیں گیا اور یہ ان کے کیریئر کا سب سے مشکل وقت ہے۔ بھارتی صنعت کاروں کے مطابق اگر صورتحال بہتر نہ ہوئی تو صنعت مکمل طور پر زوال پذیر ہو جائے گی۔
ملازمین کے اوقات کار کم کر دیے گئے ہیں اور خدشہ ہے کہ حالات برقرار رہے تو انہیں فارغ کرنا پڑے گا۔ صنعت کاروں نے واضح کیا ہے کہ ہمارا کاروبار مکمل طور پر امریکہ پر منحصر ہے اور کوئی دوسرا بازار نہیں ہے۔ قالین کی صنعت مکمل طور پر برآمدات پر منحصر ہے اور گھریلو مارکیٹ محدود ہے۔
ترکیہ اور پاکستان کم ٹیکس کی وجہ سے امریکی منڈی میں بھارتی قالین کی جگہ لے رہے ہیں۔ عالمی منڈی میں بھارت کی تنہائی مودی سرکار کی ناکام اقتصادی پالیسیوں کا نتیجہ قرار دی جا رہی ہے۔
