محرم الحرام کا چاند نظر آگیا، یوم عاشور 6 جولائی اتوار کو ہوگا

کوئٹہ:محرم الحرام 1447 ہجری کا چاند نظر آ گیا، یکم محرم 27جون بروز جمعہ جبکہ یوم عاشور 6 جولائی کو ہوگا۔کوئٹہ میں مرکزی رویت ہلال کمیٹی کے اجلاس میں محرم الحرام 1447 ہجری کا چاند نظر آنے کا اعلان کر دیا گیا ہے۔ اس کے مطابق یکم محرم الحرام 27 جون بروز جمعہ ہوگی، جبکہ یوم عاشورہ 6 جولائی بروز اتوار کو عقیدت و احترام سے منایا جائے گا۔اجلاس کی صدارت چیئرمین مرکزی رویت ہلال کمیٹی مولانا سید عبدالخبیر آزاد نے کی، جبکہ زونل کمیٹیوں اور محکمہ موسمیات کے نمائندے بھی شریک تھے۔ ملک بھر سے چاند نظر آنے کی شہادتیں موصول ہوئیں۔مولانا عبدالخبیر آزاد نے ملک میں امن، اتحاد اور بھائی چارے کی اپیل کی اور کہا کہ محرم الحرام کا مقدس مہینہ احترام، رواداری اور اخوت کا درس دیتے ہیں۔ اس موقع پر امت مسلمہ کی مدد و نصرت اور سر بلندی کے لئے دعا کی گئی۔