اسلام آباد:سابق وزیر اعلیٰ و صدر پاکستان تحریک انصاف چودھری پرویز الہٰی کا کہنا ہے کہ نیلسن منڈیلا پہلے اپنے بھائی سے حساب لیں۔
میڈیا سے غیر رسمی گفتگو کرتے ہوئے سابق وزیر اعلیٰ و صدر پاکستان تحریک انصاف چودھری پرویز الہٰی کا کہنا تھا کہ یہ جو نیلسن منڈیلا آئے ہیں پہلے اپنے بھائی سے حساب لیں، لوگوں کے ساتھ اتنی زیادتیاں ہوئیں کہ وہ خود کشیوں پر مجبور ہیں۔
پرویز الہٰی کا مزید کہنا تھا کہ لوگ گیس اور بجلی کے بل ادا کرنے سے قاصر ہیں، لوگوں کی نوکریاں ختم ہو گئیں۔
انہوں نے کہا کہ اساتذہ کو بھی انہوں نے مارنا شروع کر دیا، جو یہ کر رہے ہیں اسکا حساب الیکشن میں دینا پڑے گا۔
