اسلام آباد:عدت میں نکاح کے کیس میں جوڈیشل مجسٹریٹ قدرت اللہ کا بشری بی بی کے لاہور سے آنے والے وکیل کو اسلام آباد میں ہی کرائے پر گھر لینے کا مشورہ دیدیا۔
ڈسٹرکٹ اینڈ سیشن کورٹس اسلام آباد میں سابق چیئرمین پی ٹی آئی اور بشریٰ بی بی کے خلاف غیر شرعی نکاح کیس کی سماعت ہوئی، سینئر سول جج قدرت اللہ نے کیس پر سماعت کی۔
دوران سماعت وکیل نے استدعا کی کہ ہم نے لاہور سے آنا ہوتا ہے اس لیے تاریخ لمبی رکھ لیں، جس پر جج نے کہا کہ آپ کچھ عرصے کے لیے اسلام آباد میں کرایہ پر گھر لے لیں۔
