کراچی: شہر قائد میں سال نو کی دوسری بڑی ڈکیتی کی واردات ہوئی ہے جہاں نو سر باز خواتین ایک خاتون وکیل کے گھر سے بھاری مالیت کا سونا اور نقدی لوٹ کر لے گئیں۔
خواتین کے ایک گروپ نے خاتون وکیل کے گھر کا صفایا کردیا۔ واقعہ گزشتہ روز ایڈمن سوسائٹی میں ایڈووکیٹ سعدیہ سلیم کے گھر پیش آیا۔
پولیس حکام کا کہنا ہے کہ واردات دھوکا دہی سے کی گئی، واقعے کا مقدمہ درج کر لیا گیا۔
مقدمے میں خاتون وکیل کا کہنا ہے کہ دو خواتین نے گھر کا دروازہ کھٹکھٹا کر اندر داخل ہوئیں، خواتین نے اپنے بچوں کو ٹیوشن پڑھوانے کا کہا، گھر میں آکر خواتین نے والدہ اور بہن کو ہیپناٹائز کرکے نیم بےہوش کردیا۔
مقدمے کے متن میں کہا گیا کہ واردات میں ڈیڑھ کروڑ روپے کا سونا اور چار لاکھ نقدی لوٹ لی گئی۔
یاد رہے کہ 2 روز قبل کورنگی انڈسڑیل ایریا میں تاجر سے 80 لاکھ روپے چھین لیے گئے تھے۔
