راولپنڈی: لاہور ہائیکورٹ راولپنڈی بنچ نے فواد چوہدری کی جہلم کی 2 نشستوں سے کاغذات نامزدگی مسترد ہونے کے خلاف اپیل پر الیکشن کمیشن کو نوٹس جاری کردیئے۔
لاہور ہائی کورٹ راولپنڈی بنچ نے فواد چوہدری کی جہلم کی 2 نشستوں سے کاغذات نامزدگی مسترد ہونے کے خلاف اپیل پر سماعت کی۔
فوادچوہدری کے وکیل فیصل چوہدری نے کہا کہ فواد کو سیاسی بنیادوں پر ٹارگٹ کیا جا رہا ہے۔انہوں نے موٴقف اپنایا کہ فواد چوہدری کو الیکشن سے باہر رکھنے کے لیے بے بنیاد اعتراض عائد کیے جا رہے ہیں۔
لاہور ہائیکورٹ راولپنڈی بنچ نے فواد چوہدری کے وکیل کے دلائل سننے کے بعد الیکشن کمیشن کو کل کے لیے نوٹس جاری کردیئے۔
