اسلام آباد: اسلام آباد ہائیکورٹ نے پی ٹی آئی کے ترجمان روٴف حسن کی ایگزٹ کنٹرول لسٹ میں نام سے متعلق درخواست پر وزارت داخلہ اور ایف آئی اے کو نوٹس جاری کر دیئے۔
چیف جسٹس اسلام آباد ہائی کورٹ عامر فاروق نے روٴف حسن کا نام ای سی ایل اور پی سی ایل سے نکالنے کی درخواست پر سماعت کی، روٴف حسن کے وکیل شاہنواز رانجھا عدالت میں پیش ہوئے۔
عدالت نے وزارت داخلہ اور ایف آئی اے کو نوٹس جاری کرتے ہوئے کیس کی سماعت 2 ہفتے کے لئے ملتوی کر دی۔
