اسلام آباد: آپریشن غضب للحق کے تحت افغان طالبان اور فتنہ الخوارج کے خلاف پاک افواج کی زمینی اور فضائی مؤثر کارروائیاں جاری ہیں۔
سیکیورٹی ذرائع کا کہنا ہے کہ افواج پاکستان نے کامیاب کارروائی کرتے ہوئے پکتیکا میں واقع شاہین بیس کے امیونیشن ڈپو کو مکمل طور پر تباہ کر دیا ہے۔
سیکیورٹی ذرائع کے مطابق پاک افغان سرحد پر افغان طالبان اور فتنہ الخوارج کے ٹھکانوں اور فوجی تنصیبات کو نشانہ بنایا جا رہا ہے۔
سیکیورٹی ذرائع کا مزید کہنا ہے کہ آپریشن غضب للحق تاحال جاری ہے اور اپنے اہداف کے حصول تک جاری رکھا جائے گا۔
