پاک فضائیہ کا گلگت بلتستان میں کامیاب ریسکیو مشن

گلگت بلتستان: پاک فضائیہ نے گلگت بلتستان میں شدید موسمی حالات کے باعث پھنسے سیاحوں اور مقامی افراد کو کامیابی سے ریسکیو کر لیا ہے۔

پاک فضائیہ کے سی ون تھرٹی (C-130) طیارے نے 25 جولائی کو گلگت بلتستان میں پھنسے 125 افراد کو خصوصی پرواز کے ذریعے بچایا۔ یہ طیارہ صبح 7 بج کر 55 منٹ پر نور خان ایئر بیس سے قادری پہنچا اور مسافروں کو منتقل کیا۔ ریسکیو کیے گئے افراد میں 82 عام شہری، 25 پاک فوج کے اہلکار، اور 18 پاک فضائیہ کے اہلکار شامل تھے۔

سی ون تھرٹی (C-130) طیارہ قادری بیس سے صبح 8 بج کر 52 منٹ پر روانہ ہوا اور کامیاب آپریشن کے بعد بحفاظت نور خان بیس پہنچ گیا۔ اس ریسکیو آپریشن کے دوران تمام 125 افراد کو قادری سے نور خان بیس منتقل کیا گیا۔

پاک فضائیہ اور مقامی انتظامیہ نے اس بات کا اعادہ کیا ہے کہ افواج پاکستان اور مقامی انتظامیہ ہر مشکل گھڑی میں عوام کی خدمت اور فلاح کے لیے ہمہ وقت تیار ہیں۔