پاک فوج اور امریکی فوج کی مشترکہ انسداد دہشت گردی مشق‘‘انسپائرڈگیمبٹ‘‘ اختتام پذیر

راولپنڈی :پاک فوج اور امریکی فوج کی مشترکہ انسداد دہشت گردی مشق‘‘انسپائرڈگیمبٹ‘‘ قومی انسداد دہشت گردی مرکز پبی میں ہوئیں ۔آئی ایس پی آر کے مطابق دو ہفتے تک جاری رہنے والی اس مشترکہ مشق میں انسداد دہشت گردی کے حوالے سے باہمی تجربات کا تبادلہ ہوا۔ یہ مشقیں انیس سو پچانوے سے پاکستان اور امریکہ کی مسلح افواج کے درمیان ہو رہی ہیں ۔

قومی انسداد دہشت گردی مرکز پبی میں ہونے والی تقریب میں پاکستان میں امریکی ناظم الامور نتالی بیکر،سینئر امریکی فوجی اہلکاروں اور کور کمانڈر راولپنڈی نے شرکت کی ۔شرکاء کو انسداد دہشت گردی مشق کے دائرہ کار ، مقاصد اور طریقہ کار کے بارے میں بریفنگ دی گئی ۔

اس موقع پر مشق میں شریک دونوں ملکوں کی افواج کے دستوں نے انسداد دہشت گردی کے حوالے سے اپنی اعلی پیشہ ورانہ مہارت اور صلاحیت کا شاندار مظاہرہ پیش کیاجسے حاضرین نے بے حد سراہا۔