اسرائیل کی جانب سے مسجد الاقصی کی مذہبی، تاریخی اور قانونی شناخت کو کم کرنے کی کوشش قابل مذمت ہے،پاکستان

اسلام آباد:پاکستان نےاسرائیل کی جانب سے حالیہ اشتعال انگیزی کی شدید مذمت کرتے ہوئے کہاہے کہ پاکستان مقدس مقامات کی تاریخی شناخت اور تقدس بحال رکھنے کا مطالبہ کرتا ہے۔
ترجمان دفتر خارجہ کی جانب سے جاری بیان میں کہاگیاہے کہ غیر قانونی رہائشیوں کی جانب سے مسجد الاقصی کی مذہبی، تاریخی اور قانونی شناخت کو کم کرنے کی کوشش قابل مذمت ہے۔ اس طرح کے اقدامات عالمی قوانین کی صریح خلاف ورزی اور ناقابل قبول ہیں۔
ترجمان نے کہا کہ پاکستان مقدس مقامات کی تاریخی شناخت اور تقدس بحال رکھنے کا مطالبہ کرتا ہے۔ پاکستان غزہ کے شہریوں کو مسلسل نشانہ بنائے جانے کی بھی مذمت کرتا ہے۔
ترجمان نے مزید کہاکہ غزہ میں بے گھر افراد کی پناہ گاہ کو نشانہ بنانے کا حالیہ اقدام اسرائیلی جارحیت کو ظاہر کرتا ہے۔ اس طرح کے حملے فوری بند ہانا چاہئیں۔پاکستان فلسطینی عوام کے حق خوداردیت کی غیر متزلزل حمایت جاری رکھے گا۔