کولمبو:سری لنکا کے خلاف ٹی ٹوئنٹی سیریز کےلئےقومی ٹی ٹوئنٹی سکواڈ کا دوسرا گروپ لاہور سے کولمبو پہنچ گیا۔
دوسرے گروپ میں کپتان سلمان علی آغا ، محمد نواز ، صاحبزادہ فرحان ،عثمان خان ، صائم ایوب ، ابرار احمد ، عبدالصمد اور خواجہ نافع شامل ہیں۔آئی ایل ٹی ٹونٹی لیگ کھیلنے والے نسیم شاہ ، فخرزمان اور عثمان طارق نے بھی سکواڈ کو جوائن کر لیا ۔
کپتان سلمان علی آغا کل شام نیوزکانفرنس کریں گے جبکہ پاکستانی ٹیم کل رات کو پریکٹس کرے گی۔پاکستان اور سری لنکا کے درمیان تین میچز پر مشتمل سیریز دمبولا میں کھیلی جائے گی۔میچز سات، نو اورگیارہ جنوری کو کھیلے جائیں گے۔
