راولپنڈی: پاک بحریہ کے جہاز اصلت نے انڈونیشیا میں کثیر القومی بحری مشق کموڈو 25 میں شرکت کی۔مشق کا آغاز فلیٹ ریویو سے ہوا جہاں پی این ایس اصلت نے دیگر جنگی جہازوں کے ساتھ باہمی تعاون اور بحری صلاحیتوں کا مظاہرہ کیا۔
آئی ایس پی آر کے مطابق پاک بحریہ کے جہاز اصلت نے بیرون ملک تعیناتی کے دوران انڈونیشیا میں کثیرالقومی بحری مشق کموڈو-25 (KOMODO-25) میں شرکت کی، مشق کموڈو-25 میں 38 ممالک کی بحری افواج نے حصہ لیا۔
آئی ایس پی آر کاکہناہے کہ پاک بحریہ کی بین الاقوامی بحری مشق میں فعال شرکت علاقائی امن و استحکام کیلئے عزم کا مظہر ہے، مشق کا آغاز فلیٹ ریویو سے ہوا جہاں پی این ایس اصلت نے دیگر جنگی جہازوں کے ساتھ باہمی تعاون اور بحری صلاحیتوں کا مظاہرہ کیا۔
آئی ایس پی آرکے مطابق پی این ایس اصلت نے کولمبو سری لنکا کا بھی دورہ کیا، کمانڈنگ آفیسر پی این ایس اصلت نے کمانڈر ویسٹرن نیول ایریا اور دیگر فوجی حکام سے ملاقاتیں کیں۔
آئی ایس پی آرکاکہناہے کہ پاک بحریہ کے جہاز ریجنل میری ٹائم سکیورٹی پٹرول پر باقاعدگی سے تعینات کئے جاتے ہیں، پی این ایس اصلت کا سری لنکا اور انڈونیشیا کا دورہ دونوں دوست ممالک کے ساتھ بحری تعاون کو فروغ دینے میں اہم کردار ادا کرے گا۔
