عالمی ادارہ صحت کی جانب سے ٹریکوما کے خاتمے پر پاکستان کے لئے اعلی اعزاز

اسلام آباد:وفاقی وزیر صحت سید مصطفی کمال کو پاکستان میں ٹریکوما کے خاتمے پر عالمی ادارہ صحت کی جانب سے اعلی اعزاز سے نوازا گیا ہے۔
ترجمان وزارت صحت کے مطابق ورلڈ ہیلتھ اسمبلی جنیوا کے دوران پاکستان کو اعزاز سے نواز گیا۔مصطفی کمال کو ڈبلیو ایچ او کے ڈائریکٹر جنرل نے ایک اعزازی سرٹیفکیٹ پیش کیا ۔
وزیر صحت مصطفی کمال نے کہاکہ یہ پاکستان کے لیے ایک عظیم سنگ میل ہے ٹریکوما ایک بیکٹیریا سے پیدا ہونے والی آنکھوں کی بیماری ہے جو اگر بروقت علاج نہ ہو تو مستقل نابینائی کا سبب بن سکتی ہے۔
وزیرصحت نے مزیدکہاکہ یہ پاکستان کی عوامی صحت کے شعبے میں ایک بڑی کامیابی ہے وفاقی وزیر نے پولیو کے خاتمے کے لئے بھی ایسا کرنے کا عہد کیا۔