غزہ پر دوبارہ اسرائیلی حملوں سے پورے خطے کو ایک بار پھر عدم استحکام کا خطرہ ہے،پاکستان

اسلام آباد: پاکستان نے غزہ پر اسرائیلی فضائی حملوں کی شدید مذمت کی ہے ۔
ترجمان دفتر خارجہ کے مطابق رمضان میں جارحیت جنگ بندی معاہدے کی کھلی خلاف ورزی ہے، اسرائیلی عمل سے پورے خطے کو ایک بار پھر عدم استحکام کا خطرہ ہے۔
ترجمان دفتر خارجہ نے مزید کہا کہ عالمی برادری تشدد کے فوری خاتمے کیلئے اپنا کردار ادا کرے، غزہ اور مشرق وسطیٰ میں امن کیلئے سفارتی کوششیں کی جائیں۔