دنیا پور کی ایک باہمت اور باوقار ماں نے اپنے دو بیٹے وطنِ عزیز پر قربان کر کے حب الوطنی کی ایک نئی اور ناقابلِ فراموش تاریخ رقم کر دی۔ اس عظیم ماں نے اپنے جذبات کا اظہار کرتے ہوئے کہا کہ میرے بیٹے شہید ہوئے، مگر میرا سر فخر سے بلند ہے۔
اس ماں کے جذبۂ ایثار، صبر، استقامت اور وطن سے محبت نے پوری قوم کو اتحاد، حوصلے اور وفا کا ایک درخشاں پیغام دیا ہے۔ دشمن کو دوٹوک پیغام دیا گیا ہے کہ شہادت ہمارے لیے شکست نہیں بلکہ باعثِ فخر ہے۔
پاک فوج کے جانباز شہداء کی قربانی نے نہ صرف قوم کے دلوں کو جوش و ولولے سے بھر دیا ہے بلکہ وطن کے دفاع کے لیے عوامی عزم کو بھی نئی توانائی عطا کی ہے۔ یہ قربانیاں اس بات کا ثبوت ہیں کہ پاکستان کی مائیں اپنے لختِ جگر کو وطن پر نچھاور کرنے میں کبھی ہچکچاتی نہیں۔
پاک فوج کے غیر متزلزل عزم اور شہداء کے اہلِ خانہ کا ناقابلِ تسخیر حوصلہ ثابت کرتا ہے کہ جب وطن کی بات آتی ہے تو پاکستانی قوم ہر قربانی دینے کے لیے یک جان ہو جاتی ہے۔
