اسلام آباد:سپریم کورٹ میں بجلی کے بلوں میں اضافی ٹیکسز کیخلاف درخواست دائر کر دی گئی۔
آئینی درخواست جماعت اسلامی کی جانب سے دائر کی گئی ہے جس میں وفاق، نیپرا سمیت دیگر کو فریق بنایا گیا ہے۔
درخواست میں موقف اختیار کیا گیا ہے کہ نیپرا بجلی ٹیرف کا تعین نیپرا ایکٹ کیخلاف نہیں کیا جاسکتا،کم نرخ پر بجلی فراہم نہ کرنا آئینی خلاف ورزی ہے،ایک طرف ماہانہ بنیادوں پر بجلی کے بلوں پر ٹیکس بڑھایا جا رہا ہے
دوسری جانب ٹیکسٹائل صنعتیں بجلی کی کمی کی مشکلات کا سامنا کر رہی ہیں،فیول ایڈجسٹمنٹ پرائس کے خلاف قانون ہے،قانون بالکل واضع ہے نیپرا بطور ریگولیٹر پالیسی نہیں بنا سکتی۔
اس وقت نگران حکومت ہے جو پالیسی فیصلے نہیں کرسکتی،ایسی صورت حال میں عدلیہ ہی واحد ادارہ ہے جو اس معاملے پر نوٹس لے سکتی ہے.
