فوجی عدالتوں میں سویلینز ٹرائل کیخلاف درخواستیں سماعت کیلئے مقرر

اسلام آباد:سپریم کورٹ نے فوجی عدالتوں میں سویلینز کے ٹرائل کیخلاف درخواستیں سماعت کیلئے مقرر کردیں ۔

چیف جسٹس عمر عطا بندیال کی سربراہی میں چھ رکنی لارجر بنچ 18 جولائی کو سماعت کرے گا۔جسٹس اعجاز الاحسن، جسٹس یحیی آفریدی اور جسٹس منیب اختر بنچ میں شامل ہونگے ۔جسٹس مظاہر علی اکبر نقوی اور جسٹس عائشہ ملک بھی بنچ کا حصہ ہونگے ۔عدالت نے مقدمے کے فریقین کو نوٹسز جاری کر دیئے۔