اسلام آباد:صدر آصف علی زرداری اور وزیراعظم محمد شہباز شریف نے وفاقی وزیر بحری امور محمد جنید انوار چودھری کی والدہ کے انتقال پر گہرے دکھ اور افسوس کا اظہار کیا ہے۔
صدر آصف علی زرداری نے مرحومہ کے ایصالِ ثواب اور بلند درجات کیلئے دعا کی ہے۔اپنے تعزیتی پیغام میں صدر مملکت نے کہا کہ والدہ کا بچھڑ جانا ایک ناقابلِ تلافی نقصان ہے۔الّلہ تعالیٰ مرحومہ کو جنت الفردوس میں اعلیٰ مقام اور لواحقین کو صبرِ جمیل عطا فرمائے۔
وزیر اعظم محمد شہباز شریف نے بھی وفاقی وزیر بحری امور محمد جنید انوار چودھری کو ٹیلیفون کیا اور ان سے انکی والدہ کی وفات پر تعزیت کا اظہار کیا۔وزیر اعظم نے محمد جنید انوار چودھری کی والدہ کے لے دعائے مغفرت کی۔
وزیر اعظم نے گفتگو میں کہا کہ والدہ کی وفات ایک ناقابل بیان غم ہے، جنکی جگہ کوئی پُر نہیں کر سکتا۔وزیر اعظم نے دعا کی کہ اللہ تعالی محمد جنید انوار چودھری کی والدہ کو جنت الفردوس میں جگہ عطا کرے اور تمام لواحقین کو اس غم کو برداشت کرنے توفیق دے۔
