اسلام آباد:وفاقی وزیر اطلاعات و نشریات عطاء اللہ تارڑ نے کہا ہے کہ وزیراعظم سے وزیراعلیٰ خیبرپختونخوا کی ملاقات ہوئی۔سہیل آفریدی نے کوئی سیاسی بات نہیں کی۔
پارلیمنٹ ہاؤس کے باہر میڈیا سے گفتگو میں عطاءاللہ تارڑ نے کہا کہ ملاقات میں صوبے کے معاملے پرتبادلہ خیال ہوا۔وزیراعلیٰ خیبرپختونخوا نے بانی پی ٹی آئی کے متعلق کوئی بات نہیں کی۔
عطاءاللہ تارڑ نے کہا کہ وزیراعظم نے صوبائی معاملات پر توجہ دینے کو کہااور صوبائی معاملات پر ہر قسم کے تعاون کی یقین دہانی کرائی۔وفاقی وزیر اطلاعات نے کہا کہ مسئلہ کشمیر سلامتی کونسل کی قراردادوں کے مطابق حل ہونا چاہیے۔وزیراعظم شہبازشریف نے ہرفورم پر مسئلہ کشمیر کو اجاگرکیا ہے۔
