وزیراعظم شہباز شریف نےملکی معیشت کو بہت بہتر کردیا ہے ،نوازشریف

لندن:صدرپاکستان مسلم لیگ (ن ) سابق وزیراعظم محمدنوازشریف نے کہا ہے کہ وزیراعظم شہباز شریف نےملکی معیشت کو بہت بہتر کردیا ہے شہباز شریف کی قیادت میں پاکستان نے جنگ جیتی ۔
لندن میں پارٹی کارکنوں سے گفتگو کرتے ہوئے محمدنوازشریف نے کہا کہ پاکستان درست سمت میں جارہا ہے، وزیراعظم شہباز شریف نےملکی معیشت کو بہت بہتر کردیا ہے ، شہباز شریف کی قیادت میں پاکستان نے جنگ جیتی ، فیلڈ مارشل عاصم منیر کی بہترین جنگی حکمت عملی نے بھارت کے خلاف فتح دلائی ،سید عاصم منیر فیلڈ مارشل کے عہدے کے حقدار تھے۔
انہوں نے کہا کہ وزیراعلیٰ مریم نواز کی قیادت میں پنجاب حکومت نے متعدد نئے منصوبے دیئے ،مریم نواز عوام کی بہتری کیلئے انتھک محنت کررہی ہیں ،سمبڑیال الیکشن میں فتح مسلم لیگ (ن )کی حکومت پر عوام کے اعتماد کا اظہار ہے ۔
سابق وزیراعظم نواز شریف نے لندن میں مسلم لیگ (ن )کےکارکنوں سے طویل بیٹھک کی ۔انہوں نے کارکنوں کو عید کی مبارکباد دی۔