صدر مملکت سے وزیراعظم شہبازشریف کی ملاقات،ملک کی سیاسی ،سیکیورٹی صورتحال سمیت وزیر اعظم کے دوست ممالک کے حالیہ دوروں پر گفتگو

لاہور:صدر مملکت آصف علی زرداری سے وزیراعظم محمد شہباز شریف نے ملاقات کی ہے جس میں ملک کی سیاسی اور سیکیورٹی صورتحال پر تبادلہ خیال کیاگیا۔
صدرمملکت اور وزیراعظم کے درمیان ملاقات گورنر ہاؤس لاہور میں ہوئی ۔ ملاقات میں اسپیکر قومی اسمبلی سردار ایاز صادق، وزیر داخلہ محسن نقوی، گورنر پنجاب سردار سلیم حیدر خان اور سینیٹر سلیم مانڈوی والا نےشرکت کی ۔
ملاقات میں ملک کی سیاسی اور سیکیورٹی صورتحال پر تبادلہ خیال سمیت وزیر اعظم کے دوست ممالک کے حالیہ دوروں پر بھی گفتگو کی گئی ۔
ملاقات میں سیاسی اتحادیوں کے درمیان تعاون پر بھی تبادلہ خیال کیاگیا۔اس موقع پر صدرمملکت نے کہا کہ حکومت کو عام آدمی کے ریلیف اور فلاح کیلئے آئندہ بجٹ میں اقدامات لینے چاہئیں سیاسی اتحادیوں کو ملکی مفاد میں مل کر آگے چلنے کی ضرورت ہے ۔