اسلام آباد: وزیراعظم شہباز شریف کل متحدہ عرب امارات کا ایک روزہ سرکاری دورہ کریں گے۔
ترجمان دفتر خارجہ کے مطابق وزیراعظم شہباز شریف کے وفد میں نائب وزیراعظم، وفاقی وزراء اور دیگر سینئر حکام شامل ہوں گے۔ وزیراعظم شہباز شریف کی متحدہ عرب امارات کے صدر ابو ظہبی کے حکمران شیخ محمد بن زید سے دو طرفہ ملاقات ہوگی ۔
ترجمان کاکہناہے کہ پاک یو اے ای قیادت کی ملاقاتوں میں باہمی دلچسپی کے امور کے ساتھ علاقائی و عالمی امور پر بھی تبادلہ خیال ہوگا۔ وزیر اعظم یو اے ای کی قیادت کا پاک بھارت جنگ کے دوران سفارتی سطح پر پاکستان کی حمایت کا شکریہ ادا کریں گے۔
