اسلام آباد:وزیراعظم محمد شہباز شریف نے امریکی صدر ڈو نلڈ ٹرمپ کے20 نکاتی منصوبے کا خیرمقدم کیا ہے جس کا مقصد غزہ جنگ کو ختم کرنا ہے۔
سماجی رابطے کی ویب سائٹ ایکس پر اپنے بیان میں وزیراعظم نے کہاکہ فلسطینی عوام اور اسرائیل کے درمیان پائیدار امن خطے میں سیاسی استحکام اور معاشی ترقی کے لئے ناگزیر ہے۔
انہوں نے کہا کہ پختہ یقین ہے کہ صدر ڈونلڈ ٹرمپ ہر ممکن طریقے سے اس انتہائی اہم اور فوری نوعیت کے سمجھوتے کو حقیقت کا روپ دینے کے لئے پوری طرح تیار ہیں۔
وزیراعظم نے صدر ڈونلڈ ٹرمپ کی قیادت اور جنگ کے خاتمے کے لئے خصوصی ایلچی اسٹیو وٹکوف کے کردار کو سراہتے ہوئے کہاکہ یقین ہے خطے میں دیرپا امن کے قیام کے لئے دو ریاستی تجویز پر عمل درآمد ناگزیر ہے۔
