اسلام آباد:وزیراعظم محمد شہباز شریف نے عید الاضحیٰ کے موقع پر وزیراعلیٰ پنجاب مریم نواز، وزیراعلیٰ سندھ سید مراد علی شاہ، وزیراعلیٰ خیبر پختونخوا علی امین گنڈاپور، اور وزیراعلیٰ بلوچستان میر سرفراز بگٹی سے ٹیلی فون پر رابطہ کیا۔
وزیراعظم نے تمام صوبائی وزیراعلیٰ کو عید الاضحیٰ کی دلی مبارکباد دی اور ان کے لیے نیک تمناؤں کا اظہار کیا۔ تمام رہنماؤں نے وزیراعظم کا شکریہ ادا کیا اور انہیں بھی عید کی مبارک باد دی۔ اس موقع پر انہوں نے وزیراعظم کے لیے نیک خواہشات کا بھی اظہار کیا۔
وزیراعظم محمد شہباز شریف نے گورنر پنجاب سردار سلیم حیدر خان، گورنر خیبر پختونخوا فیصل کریم کنڈی اور گورنر بلوچستان جعفر خان مندوخیل سے بھی ٹیلی فونک رابطہ کیا۔
وزیراعظم محمد شہباز شریف نے گورنرز کو عید الاضحیٰ کی مبارکباد دیتے ہوئے نیک خواہشات کا اظہار کیا۔ تینوں گورنرز نے وزیر اعظم کا شکریہ ادا کیا اور وزیر اعظم کو بھی کی مبارک باد دی ۔
