یوکرین تنازعہ میں پیش رفت صرف امریکی و روسی صدور کی ملاقات سے ممکن ہے، مارکو روبیو

واشنگٹن :امریکی وزیر خارجہ مارکو روبیو کاکہناہے کہ یوکرین کے تنازعے پر کوئی واضح پیش رفت اُس وقت ممکن ہے جب صدر ڈونلڈ ٹرمپ اور ان کے روسی ہم منصب ولادیمیر پیوٹن ملاقات کریں گے ۔
العربیہ اردو کے مطابق مارکو روبیو نے ایک بیان میں کہا کہ پیش رفت صرف اسی صورت میں ممکن ہے جب صدر ڈونلڈ ٹرمپ اورروسی صدر بالمشافہ ملاقات کریں، صدر ٹرمپ نے اس ملاقات کی خواہش بھی ظاہر کی ہے۔انہوں نے کہاکہ ہم ایک خونی، مہنگی اور تباہ کن جنگ کو ختم کرنا چاہتے ہیں اس لیے ہمیں تھوڑا صبر درکار ہے۔
انہوں نے اس بات پر بھی زور دیا کہ دنیا میں اور بھی کئی سنگین معاملات موجود ہیں ،ہمارے پاس وقت بہت کم ہے، ہمیں دنیا کے دیگر اہم مسائل کی طرف بھی توجہ دینی ہے۔
خیال رہے کہ یہ بیان ایسے وقت میں سامنے آیا ہے جب مارکو روبیو نے گزشتہ روز روسی وزیر خارجہ سرگئی لاوروف سے فون پر بات چیت کی اور مذاکرات کی تازہ ترین صورتحال سے آگاہی حاصل کی۔