اسلام آباد:ڈسٹرکٹ اینڈ سیشن کورٹ اسلام آباد نے بانی پاکستان تحریک انصاف کو تھانہ شہزاد ٹاوٴن میں درج 9 مئی کے دونوں مقدمات سے بری کر دیا۔
جوڈیشل مجسٹریٹ عمر شبیر نے بانی پی ٹی آئی عمران خان کی بریت کی درخواستوں پر محفوظ فیصلہ سنا دیا۔
عدالت نے ناکافی شواہد کی بنیاد پر بانی پی ٹی آئی عمران خان کو تھانہ شہزاد ٹاوٴن کے دونوں مقدمات سے بری کر دیا۔
یاد رہے کہ وکلا مرزا عاصم بیگ اور نعیم پنجوتھہ نے بانی پی ٹی آئی کی بریت پر دلائل دیئے تھے۔
ایڈووکیٹ مرزا عاصم بیگ نے کہا کہ غیر مجاز شخص کی جانب سے بانی پی ٹی آئی کے خلاف ایف آئی آر درج کرائی گئی تھیں، عمران خان پر 109 کا الزام عائد کیا گیا مگر کوئی شواہد پیش نہیں کئے جا سکے۔
