راولپنڈی:تحریک انصاف شمالی پنجاب کے صدر صداقت عباسی جی ایچ کیو حملہ کیس میں عبوری ضمانت منظور کرا لی ،وکیل کے ساتھ پیش ہوئے بائیو میٹرک تصدیق کرائی اور ضمانت منظوری بعد واپس روانہ ہوگئے۔
تحریک انصاف شمالی پنجاب کے صوبائی صدر کئی روز سے لاپتہ تھے عدالت کے آخری ٹائم انسداد دہشت گردی کی خصوصی عدالت میں حاضر ہوئے جی ایچ کیو حملہ کیس میں عبوری ضمانت کی درخواست دی۔
عدالت کے جج ملک آصف حیات نے 50 ہزار روپے مچلکوں پر ضمانت منظور کی اور ایس ایچ او تھانہ آر اے بازار کو نوٹس جاری کر کے 10 اکتوبر کو مکمل ریکارڈ طلب کر لیا ۔
مقدمہ میں تحریک انصاف راہنما کے خلاف دہشت گردی بغاوت گھیراؤ جلاؤ کی سنگین دفعات لگائی گئی ہیں۔
