ملک بھر میں ربیع الاوّل کا چاند نظر نہیں آیا

اسلام آباد:مرکزی رویتِ ہلال کمیٹی نے ملک بھر میں ربیع الاوّل کا چاند نظر نہ آنے کا اعلان کر دیا۔

کراچی میں چیئرمین رویت ہلال کمیٹی مولانا عبدالخبیر آزاد کی سربراہی میں اجلاس ہوا۔

اجلاس میں محکمۂ موسمیات اور وزارتِ مذہبی امور کے نمائندے بھی شریک ہوئے۔

چیئرمین رویتِ ہلال کمیٹی نے اعلان کیا کہ آج مورخہ 24 اگست کو ملک بھر میں ربیع الاوّل کا چاند نظر نہیں آیا ہے، اس لیے یکم ربیع الاوّل 26 اگست بروز منگل ہو گی۔

اعلان کے مطابق ملک بھر میں 12 ربیع الاول 6 ستمبر بروز ہفتہ منائی جائے گی۔

لاہور میں ایوانِ اوقاف میں زونل رویتِ ہلال کمیٹی کے اجلاس میں محکمۂ اوقاف اور محکمۂ موسمیات کے ماہرین نے شرکت کی تھی۔

ڈی جی محکمۂ اوقاف نے اجلاس کے بعد اعلان کیا تھا کہ لاہور میں ربیع الاوّل کا چاند نظر نہیں آیا۔