کراچی کے مختلف علاقوں میں بارش،موسم سرد ہو گیا

کراچی: شہرقائد کے مختلف علاقوں میں کہیں ہلکی اور کہیں تیز بارش سے موسم سرد ہو گیا ۔

کراچی کے مختلف علاقوں میں رات کے وقت بادل برس پڑے اور کہیں ہلکی اور کہیں تیز بارش ہوئی۔

ایم اے جناح روڈ ، صدر ، کھارادر کے اطراف میں ہلکی اور تیزبارش کا سلسلہ جاری رہا۔

بلدیہ ٹاؤن، نیول کالونی، سرجانی، اورنگی، ماری پور، ہاکس بے سمیت شہر کے مغربی اور شمالی مغربی علاقوں میں ہلکی جبکہ سائٹ ایریا اور گردو نواح میں تیز بارش ہوئی۔

بارش کے پیش نظر سردی میں اضافے کا امکان بھی ظاہر کیا جارہا ہے۔