اسلام آباد:وفاقی وزیر برائے توانائی سردار اویس لغاری نے کہا ہے کہ حکومتی اقدامات سے بجلی کے شعبے میں بہتری آ رہی ہے،بجلی کے شعبے میں اصلاحات حکومت کا انقلابی منصوبہ ہے۔ ملکی مفاد میں آئی پی پیز سے معاہدوں پر نظر ثانی کر کے اربوں روپے بچائے گئے۔
سینیٹ اجلاس میں اظہار خیال کرتے ہوئے توانائی کے وفاقی وزیر سردار اویس لغاری نے کہا کہ آئین اور قانون کے تحت نیپرا ریگولیشنز میں ترمیم کی گئی ہیں،صارفین کے حقوق کا تحفظ یقینی بنانا نیپرا کی ذمہ داری ہے۔ عالمی ادارے شہباز شریف کی حکومت کے اقدامات کی تعریف کر رہے ہیں ۔اویس لغاری نے کہا کہ شمسی توانائی کے ذریعے 2034 تک مزید آٹھ ہزار میگاواٹ بجلی کا اضافہ کرنا ہے ۔
وزیر توانائی سردار اویس لغاری کا کہنا تھا کہ پی ٹی آئی دور میں ڈالر کے مقابلے میں روپے کی قدر تین گنا کم ہوئی ،بجلی کی قیمتوں اور مہنگائی میں ریکارڈ اضافہ ہوا۔ ہم نے بجلی کی قیمتیں کم کیں جس سے عوام اور صنعتوں کو فائدہ پہنچا ۔
