لاہور:لاہور کی انسدادِ دہشت گردی کی عدالت نے عسکری ٹاور جلاوٴ گھیراوٴ کیس میں پی ٹی آئی رہنما ء ڈاکٹر یاسمین راشد سمیت 22 ملزمان کے مقدمے کا ریکارڈ طلب کر لیا۔
عسکری ٹاور جلاوٴ گھیراوٴ کیس میں ڈاکٹر یاسمین راشد سمیت 22 ملزمان کی ضمانتوں کی درخواستوں پر انسدادِ دہشت گردی کی عدالت کے جج ارشد جاوید نے سماعت کی۔
پراسیکیوشن نے عدالت کو بتایا کہ ملزمان کے مقدمے کا ریکارڈ ہائی کورٹ میں ہے۔
عدالت نے مقدمے کا ریکارڈ طلب کرتے ہوئے سماعت 24 اکتوبر تک ملتوی کر دی۔
خیال رہے کہ ڈاکٹر یاسمین راشد اور صداقت حسین سمیت 22 ملزمان نے ضمانت بعد از گرفتاری دائر کر رکھی ہے۔
ملزمان کے خلاف تھانہ گلبرگ میں عسکری ٹاور میں جلاوٴ گھیراوٴ کا مقدمہ درج ہے۔
