واشنگٹن: خلائی اسٹیشن سے ملحق خراب شدہ بوئینگ اسٹار لائنر کو زمین پر واپس لایا جاچکا ہے۔
بوئینگ اسٹار لائنر جو کہ خلائی ٹرانسپورٹ کیپسول ہے، کو مشرقی وقت کے مطابق آدھی رات کے بعد دو افراد پر مشتمل عملے کے بغیر زمین پر واپس لایا گیا۔
اس واپسی نے بین الاقوامی خلائی اسٹیشن کے لیے ایک بھری آزمائشی پرواز کے اختتام کو نشان زد کیا جو دو افراد کو لیکر خلائی اسٹیشن پر گیا تھا۔
بوچ ولمور اور سنی ولیمز، بوئینگ اسٹار لائنر میں تھرسٹر کی ناکامی کے بعد خلائی اسٹیشن پر کئی مہینوں تک پھنسے ہوئے ہیں جس کی وجہ سے ناسا نے کیپسول کو پائلٹ کے ساتھ زمین پر لانے کو غیرمحفوظ سمجھا۔
دوسری جانب خلائی اسٹیشن پر پھنسے ولمور اور ولیمز کی واپسی سے متعلق ناسا نے کہا ہے کہ وہ فروری 2025 تک بین الاقوامی خلائی اسٹیشن پر پھنسے رہیں گےتاہم انہیں اس کے بعد اسپیس ایکس کے ڈریگن کیپسول پر زمین پر واپس لایا جائے گا۔
