ہالی ووڈ کے عمرسیدہ اداکار کے ہاں 83 برس کی عمر میں بچے کی پیدائش

لاس اینجلس: ہالی ووڈ کی مشہور فلم گاڈ فادر کے اداکار ایل پچینو کے ہاں 83 برس کی عمر میں چوتھے بچے کی پیدائش ہوئی ہے۔

غیر ملکی میڈیا رپورٹ کے مطابق ایل پچینو کی 29 سالہ گرل فرینڈ نور الفلاح نے بیٹے کو جنم دیا ہے۔ ایل پچینو کے ترجمان کے مطابق اداکار نے بیٹے کا نام رومان پچینو رکھا ہے۔

83 سالہ اداکار ایل پچینو کے پہلے ہی دو سابق گرل فرینڈز سے 3 بالغ بچے بھی ہیں۔ ان کی ایک 33 سالہ بیٹی جولی میری جبکہ دو 22 سالہ جڑواں بچے ہیں۔

ایل پچینو اور نور الفلاح کے تعلقات کی خبریں گزشتہ برس سوشل میڈیا پر پھیلی تھیں جب انہیں ایک ساتھ ریستوران میں دیکھا گیا تھا۔

یاد رہے کہ پچینو کو مشہور فلم گاڈ فادر، ویمن اور اسکارفیس کیلئے جانا جاتا ہے جن کیلئے وہ آسکرز ایوارڈ بھی اپنے نام کر چکے ہیں۔