ایم این اے مبارک زیب کے گھر پر راکٹ حملہ،وزیراعظم نے تحقیقات کا حکم دے دیا

اسلام آباد: وزیراعظم محمد شہباز شریف نے باجوڑ میں رکن قومی اسمبلی اور معاون خصوصی مبارک زیب خان کے گھر پر راکٹ حملے کی شدید الفاظ میں مذمت کی ہے۔ وزیراعظم آفس سے جاری بیان کے مطابق وزیراعظم نے حملے میں کسی قسم کے جانی نقصان نہ ہونے پر اللہ تعالیٰ کا شکر ادا کیا ہے۔

وزیراعظم نے واقعے کی فوری تحقیقات کا حکم دیتے ہوئے سیکیورٹی اداروں کو ہدایت کی کہ حملہ آوروں کو جلد از جلد گرفتار کیا جائے اور اس قسم کے بزدلانہ اقدامات کی مکمل بیخ کنی کی جائے۔