وانا:خیبرپختونخوا کے ضلع جنوبی وزیرستان کے علاقے وانا میں نامعلوم افراد نے گاڑی پر راکٹ سے حملہ کیا جس کے نتیجے میں سی ٹی ڈی اہلکار سمیت تین افراد جاں بحق ہوگئے۔
جنوبی وزیرستان کے علاقے وانا میں رات گئے باغیچہ سٹاپ پر فیلڈر گاڑئ پر نامعلوم افراد کا راکٹ سے حملہ کیا جس کے نتیجے میں گاڑی تباہ ہوگئی۔
پولیس کے مطابق گاڑی پر راکٹ حملے کے بعد فائرنگ بھی کی گئی جس کے نتیجے میں اُس میں سوار سی ٹی ڈی اہلکار سمیت تین افراد جاں بحق ہوئے، جن کی لاشوں کو ضابطے کی کارروائی کیلیے وانا اسپتال منتقل کردیا گیا۔
دوسری جانب گورنر خیبرپختونخوا فیصل کریم کنڈی نے وانا میں پیش آنے والے واقعے کا نوٹس لیتے ہوئے رپورٹ طلب کرلی ہے۔
انہوں نے اپنے بیان میں کہا کہ تین بے گناہ افراد کی شہادت کو واقعہ انتہائی افسوسناک و تشویش ناک ہے، واقعہ کے شہداء کے غم میں برابر کے شریک ہیں۔ بے گناہ افراد کی شہادتوں میں ملوث افراد کے خلاف سخت کارروائی کی جائے گی۔
