آئی سی سی ہال آف فیم میں شمولیت کے بعد پاکستان ویمن کرکٹ ٹیم کی سابق کپتان ثناء میر لندن سے اسلام آباد پہنچ گئیں۔ وطن واپسی یہ ان کا شاندار استقبال کیا گیا اعزاز حاصل کرنے والی وہ پہلی پاکستانی ویمن کرکٹر ہیں۔
اسلام آباد ایئرپورٹ پر وفاقی وزیر آئی ٹی، شزا فاطمہ خواجہ نے ثنا میر کا استقبال کیا۔ اس موقع پر پارلیمانی سیکریٹری بین الصوبائی رابطہ، کرن ڈار، اور وزیراعظم یوتھ پروگرام کی فوکل پرسن، آمنہ بتول بھی موجود تھیں۔
ثنا میر کو لندن میں آئی سی سی ہال آف فیم کی ایک باوقار تقریب میں یہ اعزاز دیا گیا تھا۔ ان کے کرکٹ کیریئر پر نظر ڈالیں تو انہوں نے 120 ون ڈے میچوں میں 1630 رنز بنائے اور 151 وکٹیں حاصل کیں۔ بین لاقوامی ٹی ٹوئنٹی میں انہوں نے 106 میچ کھیلے، جس میں 802 رنز بنائے اور 89 کھلاڑیوں کو آؤٹ کیا۔ ان کے یہ اعداد و شمار پاکستانی ویمن کرکٹ کے لیے ان کی غیر معمولی خدمات کا منہ بولتا ثبوت ہے۔
ثنا میر کی یہ شمولیت پاکستان کرکٹ اور خاص طور پر ویمن کرکٹ کے لیے ایک بڑا اعزاز ہے۔
